रायपुर.28। छत्तीसगढ़ शासन कोति ले कोरोना वायरस के संक्रमण के फैलाव ल रोके खातिर मंत्रालय अउ विभागाध्यक्ष कार्यालय मनके संचालन अवइया 6 अगस्त तक बंद राखे के आदेश जारी करे गे हाबे। सामान्य प्रशासन विभाग कोति ले जारी आदेश के मुताबिक नवा रायपुर अटल नगर के सबो विभागाध्यक्ष कार्यालय सहित रायपुर म स्थित विभागाध्यक्ष कार्यालय मनके का संचालन 6 अगस्त नइ करे जावय। जानबा होवय के पहिली 22 ले 28 जुलाई तक मंत्रालय अउ विभागाध्यक्ष कार्यालय बंद राखे के निर्देश जारी होए रिहिसे। अब कलेक्टर रायपुर कोति ले लॉकडाउन अवधि बढ़ाये के सेती यहू ल बढ़ाके अब 6 अगस्त करे गे हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।