अनिता गौर ‘आदि धर्म जागृति संस्थान’ के धमतरी जिला महिला अध्यक्ष नियुक्त : सुशील भोले

अंजोर
0
रायपुर.10। छत्तीसगढ़ के मूल संस्कृति ऊपर ठोस अउ प्रमाणिक बुता करइया प्रदेश के बड़का साहित्यकार, पत्रकार सुशील भोले जी के अगुवई म संचालित आदि धर्म जागृति संस्थान ह अब अपन छत्तीसगढ़ी, छत्तीगसढ़ अउ मूल छत्तीसगढि़यावाद के मिशन ल जन-जन पहुंचात हाबे। माई मुड़ी सहिक प्रदेश के राजधानी म सवांगे बइठे श्री भोले के मार्गदर्शन म अब जिला इकाई मन तको अपन स्तर म आदि धर्म जागृति संस्थान के अभियान ल आगू बड़ावत हाबे। इही कड़ी म प्रदेश अध्यक्ष सुशील भोले कोति ले आरो मिले हाबे के छत्तीसगढ़ी अस्मिता खातिर समर्पित शिक्षिका अउ साहित्यकार श्रीमती अनिता गौर ल संस्था के धमतरी जिला महिला अध्यक्ष नियुक्त करे गे हाबे। 

उंकर नियुक्ति म प्रदेश संगठन के उपाध्यक्ष रामशरण कश्यप, अनुसुईया साहू, जागृति बघमार, दिनेश वर्मा, संस्कृति सचिव अरूणा व्यास मिरी अउ संगठन सचिव सत्यभामा ध्रुव के अलावा ललित टिकरिहा, भगत राम ध्रुव, गीता पोर्ते, मनोरमा चंद्रा, मुकेश टिकरिहा, बुधराम यादव, डॉ. सुखदेव राम साहू, सुधा वर्मा, ठा. कोमल सिंह मरई, प्रो. लक्ष्मण प्रसाद मिरी, डुमनलाल ध्रुव, माधुरी डडसेना सहित संस्थान ले जुड़े सबो कार्यकर्ता मन श्रीमती अनिता गौर ल बधाई देवत आशा व्यक्त करे हावय के संस्थान के मूल उद्देश्य ल जमीन म स्थापित करे के सार्थक प्रयास करही।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !