गुंडा, बदमाश, हत्यारा विकास दुबे आखिर पुलिस के गोली ले मरगे

यूपी.10। कानपुर के चौबेपुर थाना के गांव बिकरू म गुंडा बदमाश विकास दुबे ल धरे बर पुलिस पहुंचे रिहिस। फेर उहां तो पहिलिच ले घात लगाये विकास अउ ओकर गुंडा मन पुलिस ल ही ढेर कर दिस। येमा डीएसपी सहित आठ पुलिस कर्मी शहीद होगे। ओकर बाद ले ही विकास दुबे फरार रिहिस। ये बीच कानपुर पुलिस लगातार कार्यवाही करत उकर पांच गुंडा मनला मार गिराइस अउ कई झिन के गिरफ्तारी होए हाबे।

छह दिन बाद विकास दुबे के तको मध्यप्रदेश के उज्जैन महाकाल मंदिर ले गिरफ्तारी होगे। येला वइसे तो सरेंडर माने जावत हाबे। जेन हिसाब ले वीडियो म दिखत हाबे विकास के हावभाव ओ अपन आप ल स्वयं पकड़वाये के नियत ले ही उज्जैन आये रिहिसे।

विकास दुबे के गिरफ्तारी उज्जैन के महाकाल मंदिर म होना तको संका ले भरे हाबे। काबर के आठ पुलिसकर्मी के मउत के बाद ले ही पुलिस चौ‍कन्ना हाबे। कानपुर ले उज्जैन तक कई पुलिस चौकी अउ जिला बार्डर मिलिस होही, फेर काकरो हाथ नइ लगिस। ओ आदमी कइसे गार्ड के हाथ लगगे। खैर पुलिस के साथ जनता ल तको राहत मिलिस। मध्यप्रदेश म कुछ पूछताछ के बाद विकास दुबे ल कानपुर पुलिस ल सौप दिये गिस। 

फेर बिहनिया एक बड़का चौकाने वाला खबर सुने बर मिलिस के विकास दुबे के एनकाउंटर होगे। खबर हालांकि बड़े रिहिसे फेर ओतका चौकाने वाला तको नइ रिहिस। काबर के अइसन अंदेशा तो सबो ल आगूच ले रिहिसे। येकरे साथ ही कई अन सुलझे सवाल तको विकास के साथ डेर होगे। शहीद पुलिस के परिवार वाले मन विकास के एनकाउंटर ले जरूर संतुष्ट हाबे। कानपुर सहित उत्तप्रदेश म कई अइसन अऊ अपराधी हावय जेन अब अइसन काम करे ले चेतही। यदि पुलिस अइसन नियाव के रद्दा निकाले हावय तव आगू तको नियावसंगत जारी राखय, जबतक की देश अउ प्रदेश म शांति के माहौल नी बन जाए।

कानपुर में शहीद पुलिस

#UPPolice कानपुर में कर्तव्यपालन के दौरान अपने प्राणों की आहुति देने वाले 08 पुलिसकर्मियों की वीरता को नमन करते हुए उन्हें भावभीनी श्रद्धांजलि अर्पित करती है।
उ0 प्र0 पुलिस इस दुःख की घड़ी में शोक संतप्त परिजनों के साथ है। हम इन शहीद पुलिसकर्मियों के बलिदान को हमेशा याद रखेंगे। pic.twitter.com/PtWjBn0c6y

— UP POLICE (@Uppolice) July 3, 2020