छाती गांव के मल्टी युटिलिटी सेंटर (एमयूसी) के अवलोकन करिस प्रभारी मंत्री कवासी लखमा

अंजोर
0
धमतरी.10। प्रदेश के वाणिज्यिक कर, उद्योग, वाणिज्य अउ जिला के प्रभारी मंत्री श्री कवासी लखमा ह धमतरी विकासखण्ड के ग्राम छाती म स्थित मल्टी युटिलिटी सेंटर (एमयूसी) के अवलोकन करिस। जिहां महिला स्वसहायता समूह मन अलग-अलग उत्पाद तइयार करे रिहिन। मंत्री जी ह समूह के महिला मन ले गोठबात करके उंकर उत्पाद ल खरीद के ओमन ल प्रोत्साहित तको करिन।

केबिनेट मंत्री श्री लखमा ह महिला मन के बुता ल देखके गदगद होगे अउ ओमन प्रशासन के सहयोग ले तइयार समान मनके विपणन करे बर कलेक्टर श्री जयप्रकाश मौर्य अउ जिला पंचायत के सी.ई.ओ. श्रीमती नम्रता गांधी ल किहिन। आगू महिला मन बताइन के 165 महिला मन कोति ले मिले ऑर्डर के आधार म अब तक 15 हजार ले अधिक राखी तइयार होगे हाबे। जेला ओमन बांस, गोबर सहित क्रोशिया के आकर्षक अउ रंग-बिरंग के धागा ले बनाये हाबे। 

आगू ओमन प्रतिदिन ट्री-गॉर्ड निर्माण के क्षमता अउ मांग के बारे म समूह के महिला मन ले जानकारी लीस। ये मउका म प्रभारी मंत्री ह स्वयं अपन हांथ ले हथौड़ी अउ छीनी लेके बांस ल दू फाकी चीर के अपन अनुभव साझा करिन। कार्यक्रम म मंश्री जी संग महापौर विजय देवांगन, जिला पंचायत के उपाध्यक्ष नीशु चंद्राकर, एसपी, ए.एस.पी., एसडीएम धमतरी सहित अनेक विभाग के अधिकारी-कर्मचारी अउ समूह के महिला मन जुरियाए रिहिन।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !