रायपुर 03 जून। छत्तीसगढ़ म अब तक कोरोना के 76446 संभावित व्यक्ति मनके सेंपल लेके जांच करे जा चुके हाबे। जेमा अभी तक 73706 लोगन के रिपोर्ट निगेटिव आए हाबे अउ 2114 के जांच चलत हाबे। ये बात के जानकारी देवत कोरोना बुलेटिन म स्वास्थ्य विभाग ह आज के कोरोना मरीज मनके जानकारी दे हाबे जेकर मुताबिक 03 जून के कुल 34 कोरोना के मरीज मिले हाबे जेमा जिला बलौदाबाजार म 22, कोरिया म 8, बलरामपुर, कवर्धा, बिलासपुर म 1-1 मिलिस।
आज अस्पताल ले बने होए के बाद कुल 40 मरीज मनला छुट्टी तको दे दिस। जेमा कोविड अस्पताल माना ले 22, मेडिकल कॉलेज जगदलपुर ले 3, अंबिकापुर ले 5, रायगढ़ ले 6 अउ बिलासपुर ले 4 मरीज सामिल रिहिसे। आज के स्थिति म कुल कोरोना मरीज देखन तव नवा 34 अउ ठीक होए 40 ल जोड़ घटाके कुल 456 के ईलाज चलत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।