अम्फान के बाद अब निसर्ग ले महाराष्ट्र म तबाही, 120 किमी प्रति घंटा के रफ्तार ले चलिस हवा

अंजोर
0

मुम्बई। कोरोना के मार ल झेलत देश म अब दिगर राई मन तको भारी तबाही मचावत हाबे। बंगाल अउ उडि़सा म अम्फान के बाद अब गुजरात अउ महाराष्ट्र म निसर्ग ले तबाही मचगे। एजेंसी ले मिले आरो के मुताबिक तूफान ह मंझनिया के बेरा महाराष्ट्र के रत्नागिरी, रायगढ़ जिला अउ मुरुड-जंजीरा शहर ल प्रभावित करे हाबे। ताजा अनुमान के मुताबिक जादा जान माल के नुकसान नइ होए हाबे। समुद्र के तीर म 120-130 किमी प्रति घंटा के रफ्तार ले हवा अउ मूसलाधार बारिश के साथ रत्नागिरी अउ रायगढ़ जिला म 6-8 फीट ऊंचा लहरा उठीस। जेकर ले कुछ स्थान म पेड़ अउ छत उड़ागे। महाराष्ट्र के मुख्यमंत्री उद्धव ठाकरे के निर्देश म जरूरी उपाय करत प्रशासन ह लोगन मन ल सुरक्षित ठउर म उमराए के साथ बिजली ल बंद कर दे गे रिहिसे। हालांकि मुंबई शहर म येकर असर कम रिहिसे तभो ले पानी अउ हवा के सेती पेड़ अउ छप्पड़ उखड़े के आरो मिले हाबे। जरूरी कदम उठावत प्रशासन ह हवाई अउ रेल सेवा ल डायवर्ट करे रिहिसे। ये बीच देश के प्रधानमंत्री श्री नरेन्द्र मोदी ह तको उच्च स्तरीय समीक्षा करत राज्य मनला हर संभव मदद करे के वादा करे हाबे।


महाराष्ट्र  के जनता ल संबोधित करत मुख्यमंत्री उद्धव ठाकरे


एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !