दुर्ग.27। बेमेतरा जिला के परपोड़ी गांव के 23 वर्षीय उमर कैद के सजा पाए कैदी शिवाकर उर्फ शिवा योगी ह 20 जून के दुर्ग के जेल अस्पताल, केन्द्रीय जेल दुर्ग के बाथरूम आत्महत्या कर लिसे। जानबा होवय के कैदी ल सत्र न्यायाधीश कोति ले 28 जून 2019 के पारित निर्णय म आजीवन कारावास के सजा सुनाये के बाद ओला 30 जून 2019 के उपजेल बेमेतरा ले केन्द्रीय जेल दुर्ग म स्थानातरित करे गे रिहिसे।
डीपीआर के मुताबिक कलेक्टर अउ जिला दण्डाधिकारी डॉ. सर्वेश्वर भुरे ह विगत 20 जून के आत्महत्या के मामला के दण्डाधिकारी जांच के आदेश जारी करे हाबे। जेमा दण्डाधिकारी जांच खातिर अनुविभागीय दण्डाधिकारी दुर्ग (शहर) ल जांच अधिकारी नियुक्त करे गे हाबे। जिला दण्डाधिकारी ह एक महीना के भीतर जांच प्रतिवेदन प्रस्तुत करे के निर्देश दे हाबे।
मामला म जांच होही के का दण्डित बंदी ल कोनो प्रकार के गंभीर बीमारी रिहिसे? का बंदी ल समे-समे म चिकित्सा सेवा मिलत रिहिसे? बंदी के मउत कोन परिस्थिति म होइसे? का ये घटना ल टाले जा सकत रिहिसे? अउ दण्डित बंदी के मृत्यु खातिर जेल अधिकारी या कर्मचारी तो जिम्मेदार नइये? येकर अलावा अऊ आन बिन्दु जो जांच अधिकारी उचित समझे, के आधार म जांच प्रतिवेदन प्रस्तुत करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।