Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

गरीब कल्याण रोजगार अभियान म छत्तीसगढ़ ल सामिल करे बर मुख्यमंत्री ह प्रधानमंत्री ल लिखिस चिट्ठी

रायपुर.22। केन्द्र सरकार कोति ले 'गरीब कल्याण रोजगार अभियान' सुरू होए हाबे फेर ये योजना म छत्तीसगढ़ ल सामिल नइ करे गे हावय। जबकि इहों लाखों मजदूर बुता छोड़के गांव लहुंटे हाबे। ये मामला म चिंता करत मुख्यमंत्री श्री भूपेश बघेल ह प्रधानमंत्री श्री नरेन्द्र मोदी ले चिट्ठी लिखके छत्तीसगढ़ राज ल तको ’गरीब कल्याण रोजगार अभियान’ म तत्काल सामिल कराये के अनुरोध करे हाबे। योजना सामिल म मध्यप्रदेश, झारखण्ड अउ उड़ीसा, छत्तीसगढ़ के पड़ोसी राज्य आए लेकिन छत्तीसगढ़ ल येमा छोड़ देगे हाबे। 
आगू लिखे हाबे के कोरोना वायरस कोविड-19 ले सबले जादा मजदूर मन प्रभावित होए हाबे। महामारी के सेती लगे बुता ल छोड़-छोड़के लहुंटे हाबे अइसन म रोजगार के वि‍कट समस्या आही। छत्तीसगढ़ राज्य म अबतक लगभग 5 लाख प्रवासी मजदूर वापस आ चुके हावय अऊ अवई चलतेच हाबे। इहां के लगभग तीन-चौथाई क्षेत्र एकदम पिछड़े अउ वन क्षेत्र हाबे जिहा 80 प्रतिशत अनुसूचित जाति, जनजाति अउ पिछड़ा वर्ग के लोगन रिथे। राज्य के लगभग 90 प्रतिशत जनसंख्या कृषि अउ सामान्य मजदूरी ऊपर निर्भर हाबे। गरीब कल्याण रोजगार अभियान म छत्तीसगढ़ ल सामिल नइ करे के सेती इहां के गरीब, कृषि मजदूर, प्रवासी मजदूर मन म गजब निराशा के भाव हाबे।


No comments:

Post a Comment

जोहार पहुना, मया राखे रहिबे...

किस्सा कहिनी

Contact Us

Name

Email *

Message *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ