अम्बिकापुर.22। छत्तीसगढ़ म हाथी मनके लगातार मउत वन्यजीव प्रेमी मन बर बड़ चिंता के विषय बने हाबे। उंहे सरकार तको कारण जाने खातिर 5 सदस्य वाला जांच कमिटि बनाये हाबे। जानबा होवय के पाछू दिन अंबिकापुर के सरगुजा अंचल के सूरजपुर वनमंडल म 2 अउ बलरामपुर वनमंडल म 1 कुल 3 हथनी मनके असामयिक मउत होगे रिहिसे। जांच समिति के सदस्य सचिव अउ अपर प्रधान मुख्य वन संरक्षक कोति ले मिले आरो मुताबिक ये घटना के संबंध म कोनो आदमी या फेर संस्था ह अपन बयान देना, आन जानकारी, अपन सुझाव देना चाहत हाबे तव ओमन 25 जून गुरुवार के बिहनिया 11 बजे ले 3 बजे तक वन विश्राम गृह प्रतापपुर, वनमंडल सूरजपुर म आके अपन पक्ष रख सकथे। करार दिन के बाद कोनो विचार नइ करे जाही अऊ जांच कमिटि ह अपन जांच प्रतिवेदन शासन के सोपरित कर देही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।