रक्षित केन्द्र दुर्ग म ‘स्पंदन अभियान’ के तहत वरिष्ठ पुलिस अधीक्षक ह जवान मन संग करिस गोठबात

अंजोर
0
दुर्ग.26। दुर्ग जिला के रक्षित केन्द्र म पुलिस के जवान मनला मानसिक तनाव ले दुरिहा रखे खातिर विभाग कोति ले चलत ‘स्पंदन अभियान’ के तहत वरिष्ठ पुलिस अधीक्षक श्री अजय कुमार यादव आज परेड के निरीक्षण करिस। स्पंदन अभियान ले मन स्वास्थ - तन स्वास्थ के भाव ल चरितार्थ करत पुलिस विभाग के बड़का अफसर मन हा पुलिस के जवान मनला मानिसक तनाव ले कइसे बाचे अउ अपन काम ल कइसे बने रकम ले करे जाए इही सब बात के सलाह देथे। काबर के अइसे देखे जाथे के पुलिस के जवान मन तको काम अउ परिवार के बीच कुछू काहीं होए म अपने जिनगी खुवार कर लेथे। वइसे अभी के कोरोना काल ल देखे जाए तव अइसन अभियान ले गजब लाभ होही। दुर्ग पुलिस के आधिकारिक ट्वीट के मुताबिक श्री यादव ह परेड के निरीक्षण के बाद करीब 90 मिनट तक जवान मनके स्वास्थ्य अउ पारिवारिक स्थिति के बारे म तको जानकारी लिस।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !