विवाह प्रोत्साहन राशि ले निःशक्त नवदम्पत्ति मन सुरू करही स्वयं के व्यवसाय

जांजगीर चांपा.26। छत्तीसगढ़ शासन के समाज कल्याण विभाग कोति ले संचालित निःशक्तजन विवाह प्रोत्साहन योजना के तहत जांजगीर चांपा जिला के नवागढ़ के ग्राम सिउड़ के निःशक्त नवदम्पति ल मिलिस एक लाख रूपिया के प्रोत्साहन राशि। योजना म लाभान्वित श्रीमती रूखमणी अउ सत्येन्द्र दूनो श्रवण बाधित हावय। डीपीआर के मुताबिक चेक पाये के बाद नवदम्पति मन किहिन के ओमन आर्थिक रूप ले सक्षम बने खातिर कम्प्यूटर अउ फोटो कॉपी सेंटर के व्यवसाय सुरू करबो। उंकर व्यवसाय सुरू करके आत्मनिर्भर बने के बात सिरतोन म सहराये के लइक हाबे। 

ये मउका म विभाग के उप संचालक टीपी भावे ह बताइन के निःशक्तजन विवाह प्रोत्साहन योजना के तहत वर या वधु के निःशक्त होए म ये प्रोत्साहन राशि देके प्रावधान हावय। जेकर बर आवश्यक दस्तावेज के साथ निर्धारित प्रारूप म आवेदन करे बर परथे अउ समाज कल्याण विभाग ह पात्रता अनुसार स्वीकृति प्रदान करथे। नवदम्पत्ति ल जिला पंचायत अध्यक्ष श्रीमती यनिता यशवंत चंद्रा, सहित आन गणमान्य नागरिक मन चेक देवत उंकर उज्जवल भविष्य खातिर शुभकामना दीस।