छत्तीसगढ़ म कोरोना के संक्रमण ले देखत अब घर बइठे मिलही जाति अउ निवास प्रमाण पत्र

रायपुर.26। कोरोना के संक्रमण ल देखत अब छत्तीसगढ़ के मुख्यमंत्री श्री भूपेश बघेल ह अब प्रदेश के छात्र-छात्रा अउ आमजन मन खातिर बड़का फैसला करे हाबे के जाति अउ मूल निवास प्रमाण पत्र ल उंकर घर के पता म भेजे जाही। डीपीआर के मुताबिक श्री बघेल के निर्देश म राज्य शासन के सामान्य प्रशासन विभाग ह ये संबंध म सबो जिला कलेक्टर मनला आदेश जारी कर दे गे हाबे। जारी आदेश के मुताबिक जाति अउ निवास प्रमाण पत्र जारी होए के बाद आवेदक ले डाक रजिस्ट्री शुल्क लेके प्रमाण पत्र उंकर घर भेजे जाही। डाक शुल्क के साथ पावती तको दे जाही जेकर ले आवेदक मनला फेर तहसील कार्यालय अउ लोक सेवा केन्द्र आए के जरूरत नइ परय।