एम्स रायपुर के ओपीडी सेवा अब आन रोगी मन तको सुरू, ऑनलाइन पंजीयन करा के जाये बर परही

रायपुर.27। अखिल भारतीय आयुर्विज्ञान संस्थान रायपुर के ओपीडी सेवा ल फेर आगू सहिक 27 जून ले सुरू करे जावत हाबे। एम्स कोति ले ये बात के जानकारी देवत बताये गे हाबे के ओपीडी सेवा खातिर मरीज मनला पहिली ले पंजीयन कराये बर परही। अभी जुन्ना अउ नवा मरीज मिलाके रोजके सीमित संख्या म ही ओपीडी के माध्यम ले उपचार करे जाही। जेमा पहले चरण म ब्रॉड स्पेशियल्टी विभाग बर प्रतिदिन 30 रोगी ल परामर्श देही ओमा 20 नियमित रोगी अउ 10 नवा रोगी सामिल होही। 

सुपर स्पेशियल्टी विभाग खातिर रोगी मनके संख्या 15 होही जेमा 10 नियमित अउ पांच नवा रोगी सामिल रइही। जेन मन पहिली पइत आही ओमन ल https://ors.gov.in/index.html के माध्यम ले ऑनलाइन पंजीयन कराना होही। येकर अलावा ओआरएस एप के माध्यम ले तको रजिस्ट्रेशन करवाया सकथे। सबो लोगन मन ला सोशल डिस्टेंसिंग के ध्यान राखत, मास्क के प्रयोग जरूरी रइही। अवइया रोगी मनके स्क्रिनिंग तको करे जाही। आगू एम्स कोति ले यहू बताये के गे हाबे के पहिली एक सप्ताह तक ओपीडी सेवा के समीक्षा करे जाही बाद प्रयास सफल होही तव एला नियमित कर दिए जाही।

1. अखिल भारतीय आयुर्विज्ञान संस्थान रायपुर की ओपीडी सेवाएं 27 जून से पुनः सीमित रूप से प्रारंभ होने जा रही हैं। ओपीडी सेवा के लिए रोगियों को पहले पंजीयन कराना होगा। अभी पुराने और नए रोगियों को प्रतिदिन सीमित संख्या में ही ओपीडी के माध्यम से उपचार प्रदान किया जाएगा।

— AIIMS, Raipur, CG😷 (@aiims_rpr) June 25, 2020