महासमुंद.27। कोरोना के सरलग मामला अब छोटे-छोटे वनांचल म तको परसत हाबे। काली के स्वास्थ्य विभाग के कोरोना बुलेटिन म महासमुंद जिला म कुल 82 मरीज म 74 के छुट्टी, 7 के उपचार अउ 1 मउत के आरो मिले रिहिसे। आज अऊ 02 नवा केस आगू आए हाबे।
अखिल भारतीय आयुर्विज्ञान संस्थान (एम्स) रायपुर ह जांच के बाद मामला के पॉजिटिव रिपोर्ट के सूचना जिला प्रशासन ल दे हाबे। जानकारी मुताबिक येमा ले एक पिथौरा विकासखण्ड के ग्राम अर्जुनी के क्वारेंटाईन सेंटर के 22 बछर के गर्भवती महिला आए। अऊ दूसर ह बसना विकासखण्ड के ग्राम केंवटापाली क्वारेटाईन सेंटर के 55 बछर के पुरूष। इंकर अस्प ताल म भरती के कार्यवाही करे जावत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।