बिलासपुर.28। बिलासपुर पुलिस ह आम लोगन ल चरियारी ठउर म मास्क लगाये के अपील करत किहिन के जब भी घर ले बाहिर निकलव नाक अउ मुंह ल तोप के निकलव। सड़क म चलत बिगर मास्क के लोगन मनला रोक के बिलासपुर पुलिस ह मास्क बाटे के संगे-संग चालान काटे के कार्यवाही तको करत हाबे। येमा न सिरिफ गाड़ी वाला बल्कि सायकिल अउ पैदल वाला मन ल तको समझाइस देगे हाबे। ट्वीट के मुताबिक एक महीना म 10000 ले आगर के लोगन के फाइन कटे हाबे। ये सेती कहूं भी जाना होवय, कतको जल्दी होवय मास्क जरूरी हाबे। बिलासपुर पुलिस ह कोरोना राई ल देखत लोगन ल मास्क के अनिवार्य उपयोग अउ फिजिकल डिसटेंसिंग के नियम के कड़ाई ले पालन करावत हाबे।
बिलासपुर पुलिस द्वारा public places में मास्क नहीं लगाने पर फाइन करते हुए मास्क लगवाये गए। पिछले एक माह में10000 से ज्यादा लोगों के फाइन काटे जा चुके हैं। मेरी अपील है कि फाइन काटने की स्तिथि न आये, आप स्वयं mask लगाएं और physical distancing के नियमों का पालन करें— BilaspurPolice (@PoliceBilaspur) June 28, 2020
एसपी बिलासपुर pic.twitter.com/F4eyGTiSqg
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।