नई दिल्ली.28। देश म लॉकडाउन लागू होये के बाद ले रेलगाड़ी मनके चलना बंद कर दे गे हाबे। टिकट् के बुकिंग तको 14 अप्रैल ले बंद कर दे रिहिसे। फेर 120 दिन के एडवांस टिकट बुकिंग सुविधा के सेती 12 अगस्त तक के गाड़ी मनके बुकिंग होगे रिहिसे। जेमा भारतीय रेल ह 30 जून तक के नियमित टाइम टैबल्ड गाड़ी मनके कैंसिल के टिकट के राशि लहुटाये हाबे।
रेलवे ले मिल आरो मुताबिक अब बाकी 1 जुलाई ले 12 अगस्त तक के टाइम टैबल्ड गाड़ी मनके राशि ल वापिस करे के तको फैसला करे हाबे। लॉकडाउन के बाद भारतीय रेल कोति ले जेन 115 जोड़ी स्पेशल यात्री गाड़ी चलत हाबे, वो चलते रइही। आगू जुलाई महीना म परिस्थिति के आकलन करे के बादे अऊ कोनो यात्री गाड़ी चलाये के फैसला होही।
भारतीय रेल द्वारा 1 जुलाई से 12 अगस्त तक की नियमित टाइम टैबल्ड गाड़ियां की राशि रिफंड करने का फैसला लिया गया है— Ministry of Railways (@RailMinIndia) June 28, 2020
रेलवे भविष्य में परिस्थितियों को ध्यान में रखते हुए नियमित टाइम टैबल्ड गाड़ियों को चलाने पर फैसला लेगा।https://t.co/yHjHNPHlQ2 pic.twitter.com/X1o7I1mGzy
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।