रायपुर.28। छत्तीसगढ़ खादी ग्रामोद्योग बोर्ड कोति ले खादी कपड़ा अउ ग्रामोद्योग समान के पहुंच आम जनता तक बनाये खातिर व्यवसायिक मॉल, कालोनी अउ विश्वविद्यालय स्तर म प्रदर्शनी, जन जागरूकता शिविर के आयोजन करही। ये संबंध म मंत्री गुरु रूद्रकुमार ह अधिकारी मनला ग्रामोद्योग ल ग्रामीण मनके जीवन यापन के जरिया बनाए खातिर कार्य योजना तइयार करे के निर्देश दे हाबे।
छत्तीसगढ़ खादी ग्रामोद्योग बोर्ड के प्रबंध संचालक के बताये मुताबिक लोगन ल कुटीर उद्योग के स्थापना ले स्वरोजगार खातिर प्रेरित करे जावत हाबे इही। कड़ी म छत्तीसगढ़ खादी ग्रामोद्योग बोर्ड कोति ले ग्रामीण क्षेत्र के बेरोजगार युवक मनला स्वरोजगार खातिर प्रेरित करत विभागीय योजना के माध्यम ले 25 लाख रूपए तक (35 प्रतिशत अनुदान सहित) बैंक ले ऋण उपलब्ध कराये जाथे।
चालू वित्तीय वर्ष 2020-21 बर प्रधानमंत्री रोजगार सृजन कार्यक्रम योजना अंतर्गत 26 करोड़ 61 लाख रुपिया के अनुदान ले 887 इकाई स्थापित करके 7096 लोगन ल रोजगार दे अउ मुख्यमंत्री रोजगार सृजन कार्यक्रम योजना अंतर्गत 6 करोड़ 94 लाख 83 हजार रुपिया के अनुदान ले 661 इकाई स्थापित करके 3966 लोगन ल रोजगार देके लक्ष्य राखे गे हाबे। अइसने 5 करोड़ रुपिया के खादी वस्त्र उत्पादन अउ 590 कत्तिन-बुनकर मनला रोजगार दे के साथ ही उत्पादित खादी वस्त्र अउ ग्रामोद्योग सामग्री विक्रय खातिर 5 करोड़ रुपिया के लक्ष्य राखे गे हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।