दुर्ग.30। लोक स्वास्थ्य यांत्रिकी अउ ग्रामोद्योग मंत्री गुरू रूद्रकुमार दुर्ग जिला के अहिवारा विकासखण्ड के जामुल म एक करोड़ 32 लाख रूपिया के लागत के अनेक विकास कार्य के भूमिपूजन करिस। ये बात के जानकारी देवत मंत्री गुरू रूद्रकुमार ह किहिस के जामुल नगर के विकास खातिर हरसंभव मदद करे जाही। इही कड़ी म राज्य प्रवर्तित योजना के अंतर्गत वार्ड क्रमांक 9 के रावण भाटा म 25.03 लाख
रूपिया लागत ले पौनी पसारी के निर्माण कार्य कराये जाही। स्टेडियम म 25.03 लाख रूपियो के लागत ले बाउण्ड्री वाल के निर्माण अउ 21.23 लाख रूपियो के लागत ले वार्ड क्रमांक 28 के उद्यान म बाउण्ड्रीवाल के निर्माण कराये जाही। येकर अलावा वार्ड क्रमांक 4 के पुरैना तालाब म 14 लाख रूपिया के लागत ले पेवर ब्लॉक के निर्माण कराये जाही। जिला खनिज न्यास मद ले वार्ड क्रमांक 2,4,14,16 अउ 18 म 47.30 लाख रूपिया के लागत ले बेहतर पेयजल व्यवस्था खातिर पाईप लाईन के विस्तार कराये जाही।
कार्यक्रम म आगू लोक स्वास्थ्य यांत्रिकी अउ ग्रामोद्योग मंत्री गुरू रूद्रकुमार ह नगर पालिका परिषद जामुल म आयोजित कार्यक्रम म राज्य शासन के राजीव गांधी आश्रय योजना के अंतर्गत गरीबी रेखा ले नीचे जीवनयापन करइया 262 हितग्राही मनला पट्टा बांटिस। स्वच्छ भारत योजना के अंतर्गत नगर निगम के 54 सफाई कर्म मनला जूता अउ रेनकोट बांटिस। जामुल क्षेत्र के दिव्यांग मनला ट्रायसायकिल तको दीस। ये मउका नगर पालिका अध्यक्ष श्रीमती सरोजनी चन्द्राकर, हरिश वर्मा, डोमार सिंह साहू, अरविंद यादव सहित आन अऊ जनप्रतिनिधि मन जुरियाए रिहिन हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।