उच्च न्यायालय म सॉफ्टवेयर-हार्डवेयर इंजीनियर अउ प्रोग्रामर पद म नियुक्ति के मेरिट सूची जारी

बिलासपुर.30। छत्तीसगढ़ उच्च न्यायालय बिलासपुर के रजिस्ट्री म स्वीकृत पद खातिर लिखित परीक्षा, कौशल परीक्षा के साक्षात्कार के बाद छत्तीसगढ़ व्यापमं रायपुर कोति ले मिले आखरी परीक्षा परिणाम के आधार म मेरिट सूची ल उच्च न्यायालय क वेबसाईट म अपलोड कर दे गे हाबे। सॉफ्टवेयर इंजीनियर, हार्डवेयर इंजीनियर अउ कम्प्यूटर प्रोग्रामर के पद के अभ्यर्थी मन दस्तावेज के जांच, सत्यापन खातिर 13 जुलाई 2020 के 10:30 बजे अउ असिस्टेंट प्रोग्रामर, असिस्टेंट रजिस्ट्रार आईटी के पद वाले मन 14 जुलाई 2020 के 10.30 बजे कार्यालय एडिशनल रजिस्ट्रार (डी.ई./स्थापना) छत्तीसगढ़ उच्च न्यायालय बोदरी बिलासपुर म उपस्थित होही। अइसने असिस्टेंट लाईब्रेरियन अउ लाइब्रेरी असिस्टेंट असिस्टेंट ग्रेड-3 के पद खातिर व्यापम रायपुर ले मिले आखरी परिणाम के आधार म मेरिट सूची, चयन सूची अउ प्रतीक्षा सूची ल छत्तीसगढ़ उच्च न्यायालय के वेबसाईट म अपलोड कर दे गे हाबे। अउ जादा जानाकरी लोगन मन छत्तीसगढ़ उच्च न्यायालय बिलासपुर के वेबसाईट www.cghighcourt.nic.in म देख सकत हाबे।