जिला पंचायत सीईओ ह कापन, खोंड, किरारी अउ झलमला गौठान के करिस निरीक्षण

गौठान के महिला समूह मनला मिलिस रखिया अउ करेला के उन्नत किस्म के बिजहा

जांजगीर-चांपा.27। गांव-गांव म बने समू‍ह मनला अब उन्नत किस्म के सब्जी लगाये खातिर तको प्रेरित करे जावत हाबे। जांजगीर-चांपा जिला पंचायत मुख्य कार्यपालन अधिकारी तीर्थराज अग्रवाल जी ह अकलतरा विकासखण्ड के ग्राम पंचायत मनके निरीक्षण करिस। ये मउका म ओमन महिला स्व सहायता समूह मनला उन्नत किस्म के सब्जी बीज किट के वितरण करिस। ओमन बरसात के मउका म रखिया, करेला आदि के बीजा बोये बर किहिन।  

कापन, खोंड, किरारी अउ झलमला गांव के चारागाह के निरीक्षण करत ओमन गौठान के मवेशी मन खातिर चारा के बेवस्था करे बर किहिन। चारागाह म बुआई के आगू बने के जुताई करे के निर्देश दीस। ये मउका म जनपद पंचायत अकलतरा मुख्य कार्यपालन अधिकारी सत्यव्रत तिवारी, मनरेगा कार्यक्रम अधिकारी एलपी राठौर, सहित विभागीय अधिकारी, सरपंच, सचिव अउ रोजगार सहायक तको मौजूद रिहिन।