बैंक संगवारी तुमचो दुवार योजना ले घर पहुंच के पेंशन देवत हाबे ‘दंतेश्वरी माई मितान’

अंजोर
0

दन्तेवाड़ा.27। कोरोना राई के सेती अब ‘दंतेश्वरी माई मितान’ हितग्राही मनला घर पहुंच के बैंक संगवारी तुमचो दुवार योजना के माध्यम ले नगद भुगतान करत हाबे। जिला के युवा कलेक्टर श्री दीपक सोनी के पहल म चितालंका अउ नकुलनार ले येकर सुरूआत होए हाबे जेन अब पूरा जिला म कारगर ढंग ले सुनिश्चित करे जावत हाबे। 

जिला कलेक्टर ह जबर उदीम करत लोगन मनला पेंशन खातिर बैंक के चक्कर झिन काटे बर परय किके लगभग 7 हजार 2 सौ 58 हितग्राही तक घर पहुंच के 37 लाख रूपिया नगद भुगतान कराये हाबे। डीपीआर के मुताबिक आगू जिला म पंचायत म हितग्राही मनला तको ये सेवा के जरिए घर पहुंच के पेंशन के साथ मजदूरी के भुगतान तको करे जाही। राज्य के मुख्य सचिव श्री आर पी मंडल ह तको अपन दंतेवाड़ा प्रवास के बखत जिला कलेक्टर के ये बुता ल देखके गजब बढ़ई करे हाबे। 

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !