बोड़ला थाना ल मिलिस केंद्रीय गृह मंत्रालय कोति ले आदर्श थाना के पुरस्कार

अंजोर
0

छत्तीसगढ़ के थाना मनला आदर्श थाना बनाये खातिर 1 जुलाई ले सुरू होही योजना  

रायपुर.26। प्रदेश के थाना मनला आदर्श थाना के रूप म विकसित करे खातिर मुख्यमंत्री श्री बघेल के निर्देश के मुताबिक आदर्श थाना अउ आदर्श थाना प्रभारी योजना 1 जुलाई ले सुरू करे जाही। इही कड़ी म आज डीजीपी श्री डीएम अवस्थी ह आज प्रदेश के 128 ले आगर थानादार मन ले वीडियो कॉलिंग एप के जरिये गोठबात करिन। ओमन किहिन के जेन थाना ह तय मापदंड म खरा उतरही ओला पुरस्कृत करे जाही। 
ये बात के जानकारी देवत श्री अवस्थी ह थाना प्रभारी मनला बताइन के आदर्श थाना बने खातिर थाना म आम आदमी के संगे-संग थाना प्रभारी अउ स्टाफ के आचरण। पीड़ित व्यक्ति, महिला या लइका मन थाना म आके बैखौफ अपन बात कही सकय। फरियादी मन संग संवेदनशील व्यवहार रखें अऊ उंकर समस्या के तत्काल समाधान करे। गुंडा-बदमाश अउ असामाजिक तत्व मनके विरुद्ध कड़ा कार्रवाई। थाना म रिकॉर्ड के बने रखरखाव। थाना परिसर के वातावरण अइसन राहय के जावत बखत मन म सकारात्मक प्रभाव दिखय।
इही बीच कबीरधाम जिला के बोड़ला थाना ल केंद्रीय गृह मंत्रालय कोति ले आदर्श थाना के पुरस्कार मिले ले प्रसन्नता व्यक्त करत डीजीपी श्री डीएम अवस्थी ह दुर्ग के आईजी श्री विवेकानंद सिन्हा, कबीरधाम जिला के एसपी के एल ध्रुव अउ बोड़ला थाना के टीआई श्री संतराम सोनी ल प्रमाण पत्र प्रदान करिस। जानबा होवय के केंद्रीय गृह मंत्रालय कोति ले छत्तीसगढ़ के 465 थाना म बोड़ला थाना ल एनुअल रैंकिंग ऑफ पुलिस स्टेशन 2019 खातिर सर्वश्रेष्ठ थाना चुने हाबे।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !