अमिताभ बच्चन अउ आयुष्मान अभिनीत ‘गुलाबो सिताबो’ के ट्रेलर के बाद गाना तको धमाल

अंजोर
0
मुंबई। बॉलीवुड के हिन्दी हास्य फिलिम गुलाबो सिताबो के लोगन ल गजब दिन ले अगोरा रिहिसे। खास करके अभिताभ बच्चन के नवा रूप ल देखे के। ये फिलिम के निर्देशक हाबे शूजीत सिरकार, निर्माता रॉनी लाहिड़ी संग शैल कुमार अउ लेखक जूही चतुर्वेदी। सोशल मीडिया ले मिले आरो के मुताबिक ये फिलिम गुलाबो सिताबो ह प्राइम वीडियो म 12 जून के दुनिया भर म रिलीज होवइया हाबे। जानबा होवय के कोविड-19 महामारी के सेती सिनेमाघर बंद हाबे अइसन म घर बइठे ही दर्शक मन फिलिम के आनंद लेही। ये फिलिम म मिर्जा शेख के रूप म अमिताभ बच्चन अउ बंके सोढ़ी के रूप म आयुष्मान खुराना के नोक-झोक के बीच विजय राज, बृजेन्द्र काला, सृष्टि श्रीवास्तव अउ फारुख जाफर के तको गुदगुदावत संवाद देखे बर मिलही। 
गुलाबो सिताबो के ट्रेलर के सोशल मीडिया म आते ही थोरकेच दिन म 4.3 करोड़ लोगन मन देख डरिन। ट्रेलर के बाद फिलिम के गाना मन तको जी-म्यूजिक म एकक करके आवत हाबे। जूतम फैक जूतम फैक हुई जिंदगी..., बन गया मदारी का बंदर..., कंजूस..., क्या लेके आओ जग में..., दो दिन का ये मेला..., बुद्धू..., जइसन गीत महामारी के बीच मन ल आन करे के कोशिश करही अब उंकर कोशिश ल दर्शक कतका मन करथे ये तो 12 जून के बादे पता लगही




एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !