Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

12वीं के टॉपर मुंगेली जिला के टिकेश वैष्णव अउ उंकर माता-पिता ले गोठबात करिन सीएम श्री बघेल

मुंगेली.23। छत्तीसगढ़ माध्यमिक शिक्षा मंडल कोति ले जारी हायर सेकेण्डेरी परीक्षा अउ हाई स्कूल परीक्षा म प्रावीण्य सूची म अवइया लइका मन ल प्रदेश के मुख्यमंत्री श्री भूपेश बघेल ह स्वयं फोन करके बधाई देवत उंकर पालक मन ले तको गोठबात करके शुभकामना दे हाबे। एसो हाई स्कूल परीक्षा के प्रावीण्य सूची म 42 विद्यार्थी अउ हायर सेकेण्डरी परीक्षा के प्रावीण्य सूची म 16 विद्यार्थी मन जगह बनाये हाबे।  
हाई स्कूल परीक्षा म कुल 73.62 प्रतिशत परीक्षार्थी मन उत्तीर्ण होइन जेमा बालिका के प्रतिशत 76.28 अउ बालक के प्रतिशत 70.53 हावय। अइसने हायर सेकेण्डरी परीक्षा म कुल 78.59 प्रतिशत परीक्षार्थी मन उत्तीर्ण होइन जेमा बालिका के प्रतिशत 82.02 अउ बालक के प्रतिशत 74.70 हावय। माने पऊर साल ले एसो हाई स्कूल के परीक्षा परिणाम म 5.42 प्रतिशत अउ हायर सेकेण्डरी स्कूल परीक्षा परिणाम म 0.16 प्रतिशत के बढ़ोत्तरी होए हाबे।  
मुखिया श्री बघेल ह अपन कार्यालय ले ही फोन के माध्यिम ले 10वीं के टॉपर अउ 12वीं के टॉपर मन संग गोठबात करिन। इही कड़ी म 12वीं म प्रदेश म प्रथम स्थान पाने वाला टिकेश वैष्णव, सरस्वती शिशु मंदिर मुंगेली ल मुख्यमंत्री ह फोन म बधाई अउ शुभकामना दीस। ये मउका म सीएम श्री बघेल ह टिकेश के पिता शिवकुमार वैष्णव अउ माता श्रीमती शकुंतला वैष्णम ले तको हालचाल जानत बेटा के सुघ्घर भविष्य खातिर बधाई दीस। 
आगू मुखिया जी मन जेन लइका मन परीक्षा म असफल होगे या कम नंबर आए हाबे ओमन ल निराश होए के बजाए हिम्मत अउ मेहनत ले सरलग पढ़ाई करे के समझाईश देवत किहिन के फेर नवा ऊर्जा अउ उत्साह ले तइयारी के संकल्प करव। परीक्षा के संगे-संग जीवन म सफलता जरूर मिलही।


No comments:

Post a Comment

जोहार पहुना, मया राखे रहिबे...

किस्सा कहिनी

Contact Us

Name

Email *

Message *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ