Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

माओवादी मनके ओरछा कैम्प ध्वस्त, भारी मात्रा म हथियार, गोलाबारूद, आईईडी अउ राकेट लान्चर बरामद

नारायणपुर.24। अबूझमाड़ अंचल म नारायणपुर पुलिस के डीआरजी पार्टी अउ एसटीएफ छत्तीसगढ़ के टीम ल बड़का कामयाबी मिले हाबे। नारायणपुर के ओरछा म माओवादी मनके ठहरे के जानकारी पाके नारायणपुर पुलिस के डीआरजी. पार्टी अउ एसटीएफ छत्तीसगढ़ के टीम ह सर्चिक करत ठिकाना म पहुंचिन। फेर पुलिस टीम के आए के आरो पाके माओवादी मन पहिली ही अपन अस्थाई ठिकाना ल छोड़के भागगे। ट्वीट ले मिले आरो के मुताबिक डीआरजी अउ एसटीएफ के टीम ह माओवादी मनके कैम्प ल ध्वस्त करके जांच करिन तव उहां ले भारी मात्रा म हथियार, गोलाबारूद, आईईडी अउ राकेट लान्चर बरामद होइसे। उहें ओरछा नारायणपुर म नक्सली मन कोति ले लगाये आईईडी ब्लास्ट म 16वीं बटालियन के एक जवान राहुल चेलक के घायल होए के आरो तको मिले हाबे। घायल जवान ल इलाज खातिर रायपुर के अस्पताल पठोये गे हाबे।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285