रायपुर.23। आरंग विकासखंड के पांच गांव म विकास कार्य खातिर नगरीय प्रशासन मंत्री डॉ. शिव कुमार डहरिया के पहल म महात्मा गांधी ग्रामीण राष्ट्रीय रोजगार गारंटी योजना (मनरेगा) के तहत 76 लाख 21 हजार रूपिया के मंजूरी होए हाबे। जेमा आरंग विकासखण्ड के ग्राम खोरसी म गौठान बनाये खातिर 14 लाख 43 हजार रूपिया, ग्राम सेजा के धान खरीदी केन्द्र म चबूतरा बनाये खातिर 8 लाख रूपए के स्वीकृति प्रदान करे गे हाबे। अइसने सेमरिया के धान खरीदी केन्द्र म चबूतरा बनाये खातिर 19 लाख 97 हजार रूपिया, ग्राम अमोदी खातिर 7 लाख 13 हजार रूपिया अउ कुटेला के धान खरीदी केन्द्र म चबूतरा बनाये खातिर 14 लाख 69 हजार रूपिया के स्वीकृति मिले हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।