मुंबई.21। बॉलीवुड के सुपरहिट फिलिम बाहुबली ल लोगन मन अतेक मया करिन के हरेक छोटे-बड़े किरदार करइया के नाव असल ले जादा फिल्मी ह पापूलर होगे। खास करके माहेन्द्र बाहुबली, भल्लाल देव, महारानी देवसेना, अवन्तिका, शिवागामी, कट्टप्पा, बिज्जालादेव, सांगा, स्वामीजी, राजा कालाकेया अउ राजगुरू तो लोगन के जुबान म अबतक हाबे। सोशल मीडिया ले आरो मिले हाबे के फिलिम के भल्लालदेव यानी के साउथ सिनेमा के सुपरस्टार राणा दग्गुबाती ह अपन मयारू मिहिका बजाज संग मंगनी कर डारे हाबे। लॉकडाउन के बीच सिनेमा ले अइसन खबर पाके दर्शक मन के संगे-संग सिने कलाकार मन तको खुशी जाहिर करत दूनो ल बधाई दे हाबे। दूनो कोई के फोटो ल ट्विटर अउ इंस्टाग्राम म शेयर करे हाबे राणा ह। ये मउका म सोशल मीडिया म नवा जोड़ी ल हजारों बधाई अउ लाखों के मया दुलार मिलत हाबे। जेन म हिन्दी अउ साउथ सिनेमा के कलाकार के अलावा खेल, राजनीति अउ व्यापार जगत के बड़का लोगन मन सामिल हाबे।
And it’s official!! 💥💥💥💥 pic.twitter.com/0J3jBeEaep— Rana Daggubati (@RanaDaggubati) May 21, 2020
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।