नई दिल्ली.21। आयुष्मान भारत म अब लाभार्थी के आंकड़ा एक करोड़ ले पार होगे। ये बात म प्रसन्नता जाहिर करत देश के प्रधानमंत्री श्री नरेन्द्र मोदी ह ट्वीट करके किहिन के हर भारतीय गरब करही के संख्या 1 करोड़ ले आगर होगे हाबे। दू बछर ले भी कमती बखत म अनगिनत लोगन के जीवन म येकर सकारात्मक प्रभाव परे हाबे। सबो लाभार्थी अउ उंकर परिवार वाले मनला बधाई देवत बने स्वास्थ्य खातिर मंगल-कामना करत हवं। श्री मोदी ह आगू किहिन के मैं आयुष्मान भारत ले जुड़े डॉक्टर, नर्स, स्वास्थ्य कर्मी अउ आन सबो के प्रयास के सराहना करत हवं। सबो के प्रयास ही येला दुनिया के सबले बड़का स्वास्थ्य कार्यक्रम बना दीस। येकर लाभार्थी न केवल पंजीकृत बल्कि आन मन तको बेहतरीन अउ किफायती चिकित्सा सेवा पा सकथे। अपन घर ले दूरिहा काम बुता म निकले लोगन बर तो अऊ हाबे। ये मउका म श्री मोदी ह मेघालय के पूजा थापा ले टेलीफोन म गोठबात करिन जेन हा आयुष्मान भारत म 1 करोड़वीं लाभार्थी के रूप म पंजीकृत होइस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।