भोजपुरी के आरूग लोककंठ मालिनी अवस्थी के पिता के निधन

लखनऊ.21। प्रसिद्ध लोक गायिका श्रीमती मालिनी अवस्थी जेला भोजपुरी के आरूग लोककंठ तको कहि सकथन। आज ओमन के बरगद के छांव विलीन होगे। माने उंकर जन्मदाता प्रतापी पिता डॉ. प्रमथनाथ अवस्थी ये दुनिया ल छोड़के चल दीस। ओकन अपन आधिकारिक ट्विटर ले जानकारी देवत ये बात ल लिखे हाबे। डॉ. प्रमथनाथ अवस्थी ह गायिका मालिनी अवस्थी के पिता अउ उत्तरप्रदेश सरकार म अपर गृह सचिव अवनीश कुमार अवस्थी के ससुर रिहिन।

पद्मश्री मालिनी अवस्थी जी माटी के कलाकार आए, उंकर गायिकी ह अंतस ल छूथे। ओमन हरेक माटी ले जुरे कलाकार मनके सम्मान करथे। पाछू दिन 15 मार्च के ओमन लोकनिर्मला सम्मान 2020 के जबर जलसा म छत्तीसगढ़ के प्रख्यात पंडवानी गायिका पद्मभूषण श्रीमती तीजन बाई संग संतगाडगे लॉन, संगीत नाटक अकादमी परिसर, गोमतीनगर लखनऊ म गजब झिन लोक कलाकार मन संग जुरियाए रिहिन हाबे। ये मउका म ओमन तीजन बाई जी संग गजब समय बिताइन। पंडवानी कार्यक्रम के बाद उनला पहिली लोकनिर्मला सम्मान 2020 ले सम्मानित करे गीस यूपी के सीएम योगी आदित्यनाथ जी के हाथ ले। छत्तीसगढ़ी लोककला ले मया करइया पदमश्री मालिनी जी के पिता के निधन के आरो पाके प्रधानमंत्री अउ मुख्यमंत्री संग अनेक बड़का कलाकार अउ राजनेता मन श्रद्धांजलि दे हाबे।

बरगद की छाँव आज विलीन हो गई।
हम सबकी आधारशिला हमारे प्रतापी पिताजी डॉ प्रमथ नाथ अवस्थी जी अंतिम यात्रा को प्रस्थान कर गए। विगत तीन माह से अधिक अस्वस्थ रहे पिताजी जीवन के 90 वें वर्ष में थे।
🙏 pic.twitter.com/UiJFHtdoOW

— मालिनी अवस्थी (@maliniawasthi) May 21, 2020