छत्तीसगढ़ राज अब 25 मई के हरेक साल मनाही ‘झीरम श्रद्धांजलि दिवस’

अंजोर
0

सुरता म दू मिनट के मौन श्रद्धांजलि अउ राज्य म शांति खातिर लेही शपथ


रायपुर.24। छत्तीसगढ़ सरकार के मुखिया श्री भूपेश बघेल कोति ले झीरम घाटी म शहीद होवइया राज्य के बड़का नेता मनके सादर सुरतांजलि खातिर अब हरेक बछर 25 मई के ‘झीरम श्रद्धांजलि दिवस’ घोसना करे हाबे। ये संबंध म राज्य के सबो अधिकारी मनला दिशा-निर्देश जारी कर दे गे हाबे। 
जानबा होवय के मई 2013 म झीरम घाटी म सबले बड़का नक्सल घटना घटे रिहिसे। नक्सली मन कांग्रेस परिवर्तन यात्रा म निकले कांग्रेस के तत्कालीन प्रदेश अध्यक्ष नंदकुमार पटेल, पूर्व केंद्रीय मंत्री विद्याचरण शुक्ल, पूर्व मंत्री महेंद्र कर्मा, पूर्व विधायक उदय मुदलियार जइसन बड़का नेता मन संग अऊ 20 ले आगर नेता अउ जवान मनके हत्या कर दे रिहिन। 
ओ 25 मई दिन के ल सुरता करत प्रदेश म शांति के माहौल बनाये खातिर सबो शासकीय अउ अर्ध शासकीय कार्यालय म शहीद मनला श्रद्धांजलि दे खातिर दू मिनट के मौन धारण करे जाही। अधिकारी, कर्मचारी मन ये दिन राज्य ल फेर शांति के टापू बनाये के संकल्प लेही।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !