Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

कस्टम मिलिंग नइ करइया राईस मिल के होइस जांच

महासमुंद। खरीफ विपणन वर्ष 2019-20 म शासन कोतिल ले समर्थन मूल्य म बिसाये धान के उसना कस्टम मिलिंग करे खातिर जिला के 44 राईस मिल ह पंजीयन कराये रिहिस हाबे। ये बात के जानकारी देवत जिला खाद्य अधिकारी अजय यादव ह बताइन के पंजीकृत राईस मिल म से कस्टम मिलिंग नइ करइया राईस मिल मनके जांच खातिर खाद्य अउ मंडी विभाग के संयुक्त टीम ह पाछू दिन मे. चंडिका एग्रो इंडस्ट्रीज राईस मिल दुधीपाली बसना, मेसर्स हिन्दुस्तान एग्रोटेक बैतारी सरायपाली अउ मेसर्स सम्लेश्वरी इण्डस्ट्रीज राईस मिल के जाँच करिन। 
ओमन आगू बताइन के मे. चंडिका एग्रो इंडस्ट्रीज राईस मिल बसना ह 12900 कोंटल धान के उठाव नइ करे हाबे अउ फर्म कना 2769 कोंटल चांवल रहे के बावजूद भारतीय खाद्य निगम ल चांवल प्रदाय नइ करे हाबे। जांच अधिकारी मन फर्म ले 101 कोंटल चांवल जप्त करिन। अइसने मेसर्स सम्लेश्वरी राईस मिल बैतारी सरायपाली फर्म ले धान 760 कोंटल, उसना चांवल 1389 कोंटल अउ कनकी 969 कों‍टल जप्त करे गे हाबे। कुल तीन राईस मिल कोति ले लापरवाही अउ अनियमितता बरते खातिर कलेक्टर महासमुन्द कार्तिकेय गोयल ह विद्युत कनेक्शन काटे, मंडी अनुज्ञप्ति निरस्त अउ कस्टम मिलिंग के काली सूची म दर्ज करे के कार्यवाही के निर्देश दे हाबे।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

कला-संस्कृति-साहित्य

follow us

T-Twitter | F-Facebook | Y-Youtube | Instagram | Pinterest
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285