रायपुर.30। रायपुर के चंगोराभांटा अउ रांवाभाटा म नवा कोरोना पाजिटिव केस आए के बाद प्रशासन ह दूनो क्षेत्र ल कंटेंटमेंट घोषित करे हाबे। भारत सरकार, स्वास्थ्य अउ परिवार कल्याण विभाग छत्तीसगढ़ शासन कोति ले जारी गाइडलाइन मुताबिक रायपुर नगर पालिक निगम रायपुर के चगोराभांटा क्षेत्र थाना डीडी नगर के अवई-जवई के रद्दा ल बंद कर दे हाबे। एके ठी रद्दा ले लोगन मन आनाजाना करही।
अइसने नगर पालिका निगम बिरगांव के बंजारी नगर रांवाभाटा क्षेत्र ल कंटेंटमेंट जोन घोषित करे गे हाबे। बेरिगेट्स म पुलिस, मेडिकल टीम के साथ एक रजिस्टर तको अवइया जवइया मन खातिर रखे जाही। ओ कोति के सबोच दुकान बंद रही। सिरिफ दवई देवइया ल छोड़ के कोनो अऊ बाहिर नी जा सके। आन समान ह होम डिलिवरी ले आही। विशेष परिस्थिति खातिर मुख्य चिकित्सा अउ स्वास्थ्य अधिकारी रायपुर कोति ले पास जारी करे जा सकही। कंटेंटमेन्ट जोन म शासन के गाइडलाइन के पालन कराये खातिर नगर पुलिस अधीक्षक ह आवश्य क कार्रवाई करही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।