ई-मेल ले दस्तावेज भेजे म तको होही अब रोजगार पंजीयन अउ नवीनीकरण

अंजोर
0
कवर्धा.20। कोरोना वायरस के संक्रमण ले बचाव खातिर अब जिला रोजगार अउ स्वरोजगार मार्गदर्शन केन्द्र, कबीरधाम कोति ले रोजगार सहायता के इच्छुक अभ्यर्थी मनके पंजीयन अउ नवीनीकरण के काम अब ई-मेल ले मिले दस्तावेज के आधार म करे जाही। लॉकडाउन अवधि म कार्यालय कोति ले ये सुविधा जिला के लोगन मनला दे जावथाबे। रोजगार पंजीयन ऑनलाईन करके, पंजीयन क्रमांक, संबंधित अंकसूची, निवास अउ स्थायी जाति प्रमाण पत्र, मोबाईल नंबर कार्यालय के ई-मेल rojgarpanjiyankwd@gmail.com म भेजे के बाद उंकर पंजीयन करके, पहचान पत्र संबंधित अभ्यर्थी के ई-मेल म पठोय जाही। नवीनीकरण खातिर सिरिफ रोजगार पंजीयन पत्र ई-मेल ले पठोय म ओमन ल नवीनीकृत पहचान पत्र ई-मेल ले ही मिलही। अऊ जादा जानकारी कार्यालय के फोन नंबर 07741-232990 म ले सकत हाबे। जिला रोजगार अधिकारी प्रमोद जैन ह ये बात ल बतावत केहे हाबे के लोगन ल अब लॉकडाउन अवधि म कार्यालय आए के जरूरत नी परय ओमन ई-मेल ले ही सबो दस्तावेज भेज के अपन पंजीयन, नवीनीकरण करा सकही।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !