मन कुरैशी सुरता करत हाबे अपन जीवन के पहिली फिलिम के दिन ल

अंजोर
0
राजनांदगांव। छत्तीसगढ़ी फिलिम के ब्लॉकबस्टर स्टार मन कुरैशी कोरोना काल म लॉकडाउन के पालन करत घरे म हाबे परिवार संग। बेरा-बेरा म ओमन अपन दर्शक मनले सोशल मीडिया म लाईव गोठबात करत लोगन के हालचाल के आरो लेवत रिथे। मन कुरैशी ल हमर सबो मयारूक पाठक डाहर ले ईद के दिली मुबारकबाद। 
आज ओमन अपन जीवन के पहिली छत्तीसगढ़ी फिलिम ‘बी ए फर्स्ट ईयर’ ल गजब सुरता करत हाबे। ये फिलिम 24 मई 2013 के रिलीज होए रिहिसे। मन कुरैशी के साथ मुस्कान साहू के जोड़ी ल दर्शक मनके गजब प्यार अउ दुलार मिलिस। वइसे ये फिलिम म सबले जादा चर्चा म आइस निर्देशक प्रणव झा। प्रणव झा तको बतौर निर्देशक ‘बी ए फर्स्ट ईयर’ ले छालीवुड दमदार इंट्री मारे रिहिसे।
मन कुरैशी के बी ए फर्स्ट ईयर के बाद अबतक प्रेम सुमन, बी.ए. सेकेन्ड ईयर, मयारू गंगा, मोर जोड़ीदार, आई लव यू, मंहु कुवारा तंहु कुवारी, हंस झन पगली फंस जबे अउ आई लव यू टू रिलीज होगे हाबे। मन के लगभग सबोच फिलिम ल दर्शक मन बनेच मन करथे। मन कुरैशी के नायिका के बात करन तव अबतक मुस्कान साहू, अनिकृति चौहान, सोनाली सहारे, एल्सा घोष अउ लवली अहमद ल जोड़ी खूब समे हाबे।
प्रणव झा, सतीश जैन, मनोज वर्मा, भूपेन्द्र चंदनिया, पुरूराज साहू, उत्तम तिवारी, एस. मुरलीधरन अउ गुलाम हैदर मंसूरी जइसन निर्देशक मनके संग काम करइया आज के छालीवुड ब्लॉकबस्टर हीरो मन कुरैशी के आगू तको गजब अकन फिलिम अवइया हाबे जेमा हिन्दी फिलिम तको सामिल हाबे।


एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !