छत्तीसगढ़ म लाख के खेती ल मिलही कृषि के दर्जा : भूपेश बघेल

अंजोर
0

सहकारी समिति कोति ले अब लाख के खेती बर तको मिलही करजा

रायपुर। छत्तीसगढ़ म लाख के खेती ल अब कृषि के दर्जा मिलही। मुख्यमंत्री श्री भूपेश बघेल ह लाख के खेती ल फायदेमंद बनाए खातिर वन विभाग डहर ले ये संबंध म प्रस्तुत प्रस्ताव ल किसान मन बर बने लाभकारी मानत अपन सहमति प्रदान करे हाबे। ओमन आगू कृषि, वन अउ सहकारिता विभाग ल लाख जइसन अऊ आन लाभकारी उपज ल कृषि म सामिल करे के प्रस्ताव मंत्रीपरिषद के अवइया बइठका म राखे के निर्देश दे हाबे। येकर ले अब लाख उत्पादन ले जुड़े किसान मनला तको सहकारी समिति कोति ले आन किसान सहिक आसानी ले करजा मिल जही। जानबा होवय के छत्तीसगढ़ म लाख के खेती के गजब संभावना हाबे। इहां किसान मन कुसुम, पलाश अउ बेर के पेड़ म परंपरागत रूप ले लाख के खेती करथे। फेर व्यवस्थित अउ आधुनिक तरीका ले लाख के खेती नइ होए के सेती किसान मनला लागत के मुताबिक लाभ नइ मिल पावे, सहकारी समिति ले करजा नइ मिल पावे, अब कृषि के दर्जा मिले ले सबो म सोहलियत होही।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !