जगदलपुर। काम म लापरवाही करइया पटवारी ल कलेक्टर डॉ अय्याज तम्बोली के निर्देश म निलंबित कर दे गे हावय।
कोरोना वायरस के प्रसार अउ लॉकडाउन म गांव वाले मनला मिलत सुविधा के आरो ले खातिर कलेक्टार दौरा करत रिहिन तभे गांव वाले मन पटवारी चित्त विनोद पांडेय के शिकायत करिन। गांव वाला मनके शिकायत म कलेक्टर के निर्देश ले बस्तर के अनुविभागीय अधिकारी (राजस्व) गोकुल रावटे ह पटवारी ल निलंबित कर दिस। निलम्बन अवधि म उंकर मुख्यालय तहसील कार्यालय बस्तर निर्धारित करे गे हावय अउ जीवन निर्वाह भत्ता के पात्रता तको दे गे हावय।
