कवच एप लॉंच करिस भूपेश सरकार
रायपुर। छत्तीसगढ़ के लोगन ल अब कोविड-19 के झपकुन जानकारी खातिर सरकार कोति ले कवच एप बनाये गे हावय। जेकर पाछु दिन सीएम कार्यालय म लांचिंग करे गीस।
ये एप म झपकुन कोरोना के जानकारी के संग सुझाव, नवा आदेश, मरीज मनके जानकारी अउ कोविड-19 के ई-पास के आवेदन सुविधा तको मिलही। लांचिंग के मउका म मुख्यमंत्री श्री भूपेश बघेल के अलावा स्वास्थ्य मंत्री श्री टी.एस. सिंहदेव, मुख्यमंत्री के अपर मुख्य सचिव सुब्रत साहू, प्रमुख सचिव स्कूल शिक्षा डॉ. आलोक शुक्ला, सचिव स्वास्थ्य श्रीमती निहारिका बारिक सिंह, संचालक स्वास्थ्य सेवाएं नीरज बंसोड़ अउ चिप्स के मुख्य कार्यपालन अधिकारी समीर बिश्नोई जी मन तको मौजूद रिहिस। ये कवच एप ल एंड्राइड मोबाइल वाले मन येदे लिंक https://play.google.com/store/apps/details?id=in.gov.chhattisgarh.cova ले डाउनलोड करय अउ इओएस बउरथे तेन मन येदे लिंक https://apps.apple.com/in/app/kavach/id1507595944 ले डाउनलोड कर सकत हाबे। 28-4-20
