मोची दुकान के परसादे अपन गुजारा चलइया नारायणपुर के कुंतीबाई पति के बिते के बाद 21 बछर ले जूता-चप्पल तूने के बुता करत हाबे।
फेर दोखहा कोरोना राई के सेती दुकान नी खुलत रिहिसे। डीपीआर के मुताबिक जब कुंतीबाई ह एक महीना बाद अपन दुकान ल खोलिस तव दूये घंटा म 100 रूपिया कमा डरिस। वइसे तो सरकार ह सबो सुविधा देवत हाबे फेर अब दुकान के खुले ले नगदी पइसा तको हाथ म आही। जानबा होवय के सरकार ह दू महीना के फोकट म राशन के संग दार, तेल, मसाला, गुड़, आलू-प्याज तको दे हावय। कुंतीबाई अइसन कतकोन छोटे दुकान वाले मन अब शासन के निर्देश के मुताबिक मास्क अउ सोशल डिस्टेंसिंग के पालन करत कोरोना के लड़ई म साथ देवत हाबे।
