प्रदेश म आए अचानक आंधी तूफान ले रायगढ़, जशपुर, सूरजपुर, सरगुजा, बिलासपुर सहित आन जिला अउ संभाग म होय नुकसान ल देखत मुख्यमंत्री श्री भूपेश बघेल ह जिला कलेक्टर मन ला निर्देश दे हावय के जान-माल के नुकसानी के तुरते सर्वे करत राहत पहुंचाये जाए।
ये संबंध म मुख्यमंत्री ह जिला प्रतिनिधि मनले फोन म तको गोठबात करके जानकारी ले हावय। मिले जानकारी के मुताबिक सूरजपुर जिला के गांव भरवाही के 6 बेघर परिवार ल शिवप्रसाद नगर के छात्रावास म रूकवा के निःशुल्क भोजन पानी के व्यवस्था जिला प्रशासन कोति ले करे जावथे। कोरिया जिला के विकासखंड बैकुण्ठपुर के गांव तमजिरा, बरपारा, चोपन अउ पांडवपारा म होए नुकसान के मुआवजा राशि देके बात तको केहे गे हावय। अइसने सीतापुर के लगभग 500 ले आगर किसान मनके फसल खराब होगे। मैनपाट के ग्राम पंचायत उड़मकेला के मेछरवना के नाहर टूटगे हावय। ये संबंध म खाद्यमंत्री ह तुरते जिला प्रशासन ल परिस्थिति के जायजा लेके निर्देश दे हावय।