कोरोना म फदके आन राज के मनखे हमर सगा बरोबर: भूपेश बघेल

अंजोर
रायपुर। नोवल कोरोना वायरस के सेती भारत बंद हावय। कोनो ह कोनो कोति नी जा सकय। अइसन बखत त हमर राज म रूके मनखे मन हमर बर सगा बरोबर हावय। उंकर रेहे-बसे अउ खाये के संगे संग सेहत के जतन करना तको हमर जूमेदारी हावय। ये बात ल कहात प्रदेस के मुखिया भूपेश बघेल ह 12 राज अउ 17 जिला के 205 लोगन मन के बेवस्था ठउर के जायजा लिस। कोरोना बंदी म रायपुर म फदके मनखे मन बर लाभांडी म सिविर बनाये गे हावय। 
राहत सिविर म झारखंड के बलदेव, उत्तर प्रदेस के देवरिया के रामनाथ शर्मा, मध्यप्रदेस के पिपरिया के साधु रामदास त्यागी, महाराष्ट्र के गौतम, गोंदिया के श्रीकांत, हरियाणा के रामू के परवार ले मुखिया ह भेट करके ओमन ल सबो साहमत के भरोसा देवाय हावय। ये मउका म मुखिया संग रायपुर जिला कलेक्टर डॉ. एस भारतीदासन, पुलिस अधीक्षक आरिफ शेख, नगर निगम कमिश्नर सौरभ कुमार, जिला पंचायत सीईओ डॉ. गौरव कुमार सिंह मन तको सामिल रिहिन।

#buttons=(Accept !) #days=(20)

Our website uses cookies to enhance your experience. Check Now
Accept !