रायपुर। देस म सचरे जीलेवा कोरोना बीमारी ले लड़े खातिर छत्तीसगढ़ सरकार ह लोगन मन ले सहयोग के अपील करे हावय। जेमा छत्तीसगढ़ के आम जनता तको अपन सक अनुसार दान करत हाबे। सोसल मीडिया ले आरो मिले हावय ते मुताबिक छत्तीसगढ़ के बड़का लोक कलाकार पद्मश्री ममता चंद्राकर अउ प्रेम चंद्राकर जी मन ह मुख्यमंत्री राहत कोस म 111111/- रूपिया के सहयोग करे हाबे।
येकरे संग ममता और प्रेम चंद्राकर मन ह छत्तीसगढ़ी सिनेमा ले जुरे गरीब कलाकार मनके मदद खातिर बने संस्था छत्तीसगढ़ फ़िल्म प्रोड्यसर कोस म तको 10000/- रूपिया के सहयोग दे हावय। अइसने छत्तीसगढ़ के एक अउ जबर कलाकार अलका परगनिहा चंद्राकर अउ अमित परगनिहा मन तको कोरोना महामारी ले उबरे खातिर राहत कोस म 100000/- रूपिया के सहयोग करे हाबे। नेता, अफसर अउ बेपारी मन के बाद अब लोक कलाकार मन घलोक छत्तीसगढ़ सरकार के मुखिया श्री भूपेश बघेल ल पाती पठो के धनराशि सहयोग करत हाबे।
येकरे संग ममता और प्रेम चंद्राकर मन ह छत्तीसगढ़ी सिनेमा ले जुरे गरीब कलाकार मनके मदद खातिर बने संस्था छत्तीसगढ़ फ़िल्म प्रोड्यसर कोस म तको 10000/- रूपिया के सहयोग दे हावय। अइसने छत्तीसगढ़ के एक अउ जबर कलाकार अलका परगनिहा चंद्राकर अउ अमित परगनिहा मन तको कोरोना महामारी ले उबरे खातिर राहत कोस म 100000/- रूपिया के सहयोग करे हाबे। नेता, अफसर अउ बेपारी मन के बाद अब लोक कलाकार मन घलोक छत्तीसगढ़ सरकार के मुखिया श्री भूपेश बघेल ल पाती पठो के धनराशि सहयोग करत हाबे।