एसो तो अउ गजब खास हावय, शिल्पकला के संगे-संग गहना तको देखे बर मिलही। झांकी म एक झि नारी परानी ह तोड़ा, पैरी, पैजन, लच्छा, साँटी, बिछिया, चुटकी, ऐंठी, कड़ा, टरकउव्वा, पटा, करधन, नांगमउरी, सूता, ककनी, खिनवा, लुरकी, छुमका, ढार, करन फूल, फुल्ली, नथ, रुपियामाला, तिलरी, पुतरी उक के सिंगार करे हावय।सबले आगू म नन्दी महराज बइठे हावय जेन छत्तीसगढ़ के प्रसिद्ध बेनमेटल से बने हावय। जोन इहां के ढोकरा-शिल्प के एक बेहतरीन नमूना आए। गजब सुघ्घर लोक जीवन के सजीव झांझी के संग म ककसार नृत्य करत लोक कलाकार मनके दल ह झांकी म अउ बने फबत हावय।
