कोरोना संकट काल म लोगन अब मानवता खातिर सरकार ल आर्थिक सहयोग करत हाबे। प्रधानमंत्री के संगे-संग राज्य के मुख्यमंत्री मन ह तको लोगन मन ले राहत कोष म आर्थिक मदद के अपील करे रिहिन। नेता अउ उद्योगपति मनके बाद अभिनेता मन तको देश खातिर आर्थिक मदद करत हाबे।
बात अब भोजपुरी सिनेमा के करन तव मनोज तिवारी, दिनेश लाल यादव अउ रवि किशन के बाद अभिनेत्री अक्षरा सिंह ह तको मुख्यमंत्री राहत कोष बिहार म एक लाख रूपिया के आर्थिक मदद करे हाबे। अक्षरा सिंह ह इंस्टातग्राम म लिखे हावय के ओमन फोटो शेयर नी करना चाहत रिहिन फेर करे ल परगे। 'ये ऊंकरे पइसा आए जोन बखत म ऊंकर काम आही।' मैं अपन आप ल भागमानी मानत हावं के मैं बुरा बखत म ऊंकर काम आएव। भगवान मोला अतका सक्षम बनाये के अइसने लोगन के मदद करते राहवं। अइसन बेरा म सबो ल धिरज, साहय और कुशलता प्रदान करें... जय माता दी।
