छत्तीसगढ़ के लगभग 2300 लइका मन राजस्थान के कोटा शहर म पढ़ाई करे बर गे रिहिसे। कोरोना लॉकडाउन के सेती ओमन उहंचे फसे रिहिन जेला सरकार ह वापस लाने खातिर एक टीम भेजे रिहिसे।
डॉक्टर, पुलिस के संग अफसर मनके टीम ह लइका मनके स्क्रीनिंग करके बस म बइठार के वापिस लान डरिस। जानकारी के मुताबिक बस्तर संभाग खातिर 06, सरगुजा संभाग खातिर 24, रायपुर संभाग खातिर 16, दुर्ग संभाग खातिर 14, बिलासपुर संभाग खातिर 28 बस पठोय रिहिन जेन मन अब वापिस आगे हाबे। प्रदेश सरकार के मुखिया श्री बघेल के निर्देश म कुल 99 बस भेजे गे रिहिने जेमा 2 बस म चिकित्सा दल के सदस्य गे रिहिसे। सबो बर भोजन पानी के बेवस्था के साथ छत्तीसगढ़ आये के बाद ओमन ला क्वारेंटाईन म रखे जाही। कोनो ल सीधा अपन घर जाये के अनुमति नइहे।
