निशा जात्रा ले सुरू होही मेला
कोण्डागांव मेला म हस्तशिल्प के प्रदर्शनी तको लगही
अंजोर.ए। कोण्डागांव के प्रसिद्ध मेला ऐसो 12 मार्च ले सुरू होही। जिला कार्यालय कोण्डागांव म मेला के तइयारी खातिर एक बठइका तको बलाए गे रिहिसे। बठका म बताइन के मेला के आगू दिन रात के निशा जात्रा निकाले जाही तेकर बिहानदिन आन-आन गांव के देवी-देवता मन मेला घुमे खातिर आही। मेला म लोक कलाकार मन आनी बानी के प्रस्तुति तको देही। मिले जानकारी के मुताबिक हस्तशिल्प विभाग ह जिला के टेराकोटा, बेलमेटल, लौह, ढोकरा, तुम्बा शिल्प के प्रदर्शनी तको लगाही। खई-खजेनी तो रहीबे करही संगे-संग मीना बजार अउ आनी बानी के दुकान खातिर तको जिला प्रशासन कोति ले बेवस्था करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।