देवारी के उजियार म छत्तीसगढ़ी सिनेमा के स्टार दीक्षा जायसवाल ह दीस बधाई संदेश, फोटो सोशल मीडिया म वायरल

अंजोर.रायपुर। रोशनी अउ उमंग के बड़का तिहार देवारी के पावन मउका म छत्तीसगढ़ी फिल्म जगत के सुग्घर अउ जाने-माने अभिनेत्री दीक्षा जायसवाल ह प्रदेशवासी मन ला अनोखा अंदाज म बधाई दे हे। सोशल मीडिया फेसबूक म दीक्षा जायसवाल के करे गे एक पोस्ट ह आगू हवय, जेमा ओहा अपन फैंस अउ छत्तीसगढ़ के जनता मन ला दीपावली के सुभकामना देवत जिनिगी म सुख, शांति, आरोग्यता अउ रिद्धि-सिद्धि के बरदान मांगे हे।

फेसबूक म शेयर करे गे पोस्ट म अभिनेत्री दीक्षा ह लिखे हे- Happy Diwali Everyone 🪔🌹🎇 , wishing you all love , light , health , wealth , happiness and all the blessings from Mother Nature 🍀 & Lakshmi ji 👣✨may your year ahead fills eith sweet memories and lots of sweet mithai’s !! 😋🙏 See less

फोटो मन म छलकीस छत्तीसगढ़ी संस्कृति अउ तिहार के उमंग:

सिनेमा गलियारा ले मिले खबर के मुताबिक, दीक्षा जायसवाल ह ए पोस्ट के संग कुछेक झन बेहद खूबसूरत फोटो मन घलो साझा करे हे। ए फोटो मन म दीक्षा के पारंपरिक रूप ह सबे के मन मोहत हे। फोटो म ओहा हांथ म दीया धरे, पूजा के थाली सजाए अउ आँगन म सुग्घर रंगोली बनावत नजर आवत हे। पारंपरिक पहनावा अउ तिहार के ए रंग रूप ला फैंस मन ह खूब पसंद करत हें, अउ सरलग लाइक-कमेंट करके दीक्षा ला दीपावली के बधाई देवत हें।

फिल्मी परदा ले फेसबूक तक छाये हवय दीक्षा के सादगी:

छत्तीसगढ़ी फिल्म इंडस्ट्री 'ब्यूटी क्वीन' म अपन बेहतरीन अभिनय अउ सादगी बर पहिचान दीक्षा जायसवाल ह हमेसा ले सामाजिक अउ सांस्कृतिक तिहार मन म बढ़-चढ़ के हिस्सा लेथें। दीपावली जइसन बड़े तिहार म ओखर ए रकम ले अपन फैंस मन के संग जुड़ना अउ छत्तीसगढ़ी संस्कृति के रंग म रंगे फोटो साझा करना, ओखर माटी के प्रति मया ला साफ-साफ बताथें।

सिनेमा प्रेमी अउ दर्शक मन घलो सोशल मीडिया म दीक्षा के ए पोस्ट ऊपर भरपूर मया लुटावत हें अउ ओला सुग्घर दीपावली के जोहार भेजत हें।

अंजोर छत्तीसगढ़ी समाचार

संपादक/ अनुवादक - जयंत साहू 9826753304