रायपुर, 9 नवंबर 2026: छतीसगढ़ के मुख्यमंत्री विष्णु देव साय ह जशपुर जिला के किसान मनला बहुत बड़का सौगात दे हावय। जशपुर के बगिया कैम्प कार्यालय म 79 करोड़ 38 लाख रुपया के लागत ले बनइया 'बगिया बैराज सह दाबयुक्त उद्वहन सिंचाई परियोजना' के भूमिपूजन करे गे हे। इहाँ के किसान मन बर ये प्रोजेक्ट ल वरदान माने जात हे, काबर के एखर ले जशपुर के 13 गाँव के 3,921 ले ज्यादा किसान मन ल सीधा फायदा मिलही अउ 8,454 हेक्टेयर खेत म पानी पहुँचही।
छतीसगढ़ के पहिली हाई-टेक सिंचाई प्रोजेक्ट: मोबाइल ले होही कंट्रोल
ए परियोजना के सबसे बड़े खासियत इकर आधुनिक तकनीकी (Modern Technology) ए। छतीसगढ़ म ए पहिली अइसन सिंचाई प्रोजेक्ट होही जेकर संचालन मोबाइल के माध्यम ले करे जा सकत हे। पानी के सही अउ बेहतरीन मैनेजमेंट बर ए डिजिटल तकनीक किसान मन बर बहुत मददगार साबित होही।
परियोजना के लागत: ₹79.38 करोड़
- लाभान्वित गाँव: 13 गाँव (बगिया, रजौटी, सुजीबहार, दोकड़ा, पतरापाली, बांसबहार अउ आसपास के क्षेत्र)
- फायदा पाइनइया किसान: 3,921 ले अधिक किसान परिवार
- सिंचित रकबा: 8,454 हेक्टेयर कृषि भूमि
- नदी: मैनी नदी (ग्राम मुसकुटी, बगिया पुल के नजदीक)
खरीफ के संग रबी फसल घलो होही अब
कार्यक्रम म सीएम विष्णु देव साय ह कहिन कि किसानी ह छतीसगढ़ के अर्थव्यवस्था के रीढ़ हरे। पर्याप्त पानी नइ मिले के सेती किसान मन ल वर्षा अउ मौसम ऊपर निर्भर रहना परय। बगिया बैराज बन जाने ले अब किसान मन ल सिर्फ खरीफ नहीं, बल्कि रबी के फसल बर घलो बरिस भर भरपूर पानी मिलही। एखर से किसान मन बछर म एक ले ज्यादा फसल ले के अपन आमदानी ल बढ़ाई सकें, जउन ले ग्रामीण इलाका म खुशहाली आही।
ए मौका म जिला पंचायत अध्यक्ष सालिक साय, श्रीमती कौशल्या साय, कलेक्टर रोहित व्यास, वरिष्ठ पुलिस अधीक्षक डॉ. लाल उमेद सिंह अउ बगिया-जशपुर के कईझन मानमान मानवी अउ ग्रामीण मन उपस्थित रिहिन।
अंजोर छत्तीसगढ़ी समाचार संपादक/अनुवादक-जयंत साहू 9826753304
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।