अंजोर, रायपुर। छत्तीसगढ़ी सिनेमा के 'द वन मेन शो' आनंद मानिकपुरी के नवा छत्तीसगढ़ी फिलिम 'मोर वाली अलग हे' ल 17 जुलाई के रिलीज करे के आधिकारिक घोसना होगे हावय। 'द एडीएम प्रोडक्शंस' (The ADM Productions) के बैनर तरी बने बहुप्रतीक्षित छत्तीसगढ़ी फिल्म 'मोर वाली अलग हे' म आनंद मानिकपुरी, ऋतु विश्वकर्मा, शौर्य सिंह राठौड़, अमन कांत, विनोद उपाध्याय, नरेंद्र सिंह चंदेल, मोहनी, अमिता, मनीषा, दीपा महंत, चंदन पटेल, सूरज श्रीवास, सत कुमार अउ हेमलाल कौशल जइसे कलाकार मन अपन कलाकारी ले फिलिम ल भरपूर मनोरंजक बनाये हाबे। निर्देशक, लेखक, एडिटर, सह निर्माता अउ प्रमुख कलाकार के रूप आनंद मानिकपुरी ह ये पइत का जलवा देखाही येतो सिनेमाघर म पूरा फिलिम देखे के बाद ही पता चलही।
बतादन के आनंद मानिकपुरी छत्तीसगढ़ी सिनेमा के एक बहुत ही प्रतिभावान कलाकार आए ओमन 'द एडीएम प्रोडक्शंस' नाव के यूट्यूब चैनल में छत्तीसगढ़ी म शार्ट फिलिम, कामेडी शो अउ गीत-संगीत ले लोगन मनके अच्छा मनोरंजन करथे। ओमन के 'ए ददा रे' अउ 'सरई' ह सिनेमाघर में तको अच्छा प्रदर्शन करे रिहिसे। अब पारी हावय 'मोर वाली अलग हे' जेमा ओकर संग ऋतु विश्वकर्मा के अदाकारी देखे बर मिलही।
फिल्म के पोस्टर सोशल मीडिया म जम्मों डहर छाए हुए हे, जउन ल देखके कयास लगाए जात हे कि ये फिल्म दरसक मनला एक पारिवारिक ड्रामा, कॉमेडी अउ एक ठन अनूठा मया भरे संदेश के पूरा पैकेज देवइया हे। वइसे भी आनंद मानिकपुरी के पूरा टीम ह मनोरंजन के फूल गारेंटी देथे।
दरसक मन म बाढिस उत्साह
फिल्म के नाव 'मोर वाली अलग हे' युवा मन ला अपन कोति बड़ खिंचत हे। सोशल मीडिया म छत्तीसगढ़ी फिल्म के मयारू मन के बीच एला लेके उत्सुकता ह अउ बाढ़ गे हे। अब देखना ये हे कि जब 17 जुलाई के ये फिल्म सिनेमाघर म उतरही, त कतिक बड़ धमाल मचाही।फिल्म से जुड़े कुछ खास बात
- फिल्म: मोर वाली अलग हे
- प्रस्तुति: द एडीएम प्रोडक्शंस
- निर्माता: प्रवीण साहू अउ आनंद मानिकपुरी
- निर्देशक/लेखक/एडिटर: आनंद मानिकपुरी
- कलाकार: आनंद मानिकपुरी, ऋतु विश्वकर्मा, शौर्य सिंह राठौड़, अमन कांत, विनोद उपाध्याय, नरेंद्र सिंह चंदेल, मोहनी, अमिता, मनीषा, दीपा महंत, चंदन पटेल, सूरज श्रीवास, सत कुमार अउ हेमलाल कौशल
- छायांकन: जतिन साहू
- बैकग्राउंड म्यूजिक: संजय मानिकपुरी अउ विनोद वर्मा
- गायक: सुनील सोनी, भीमा बंजारे, अजय चौहान
- संगीत: स्वरांजलि स्टूडियो
- नृत्य निर्देशक: राजा डोंगरे
- भाषा: छत्तीसगढ़ी
- रिलीज के तारीख: 17 जुलाई 2026
 |
| chhattisgarhi film poster |
 |
| chhattisgarhi film poster |
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।