पर्वतारोही अंकिता गुप्ता ह राज्यपाल रमेन डेका ले लोकभवन म करिन मुलाकात

राज्यपाल रमेन डेका ले लोकभवन म पर्वतारोही सुश्री अंकिता गुप्ता ह सौजन्य भेंट करिन। ए बखत ओमन अपन पर्वतारोहण के उपलब्धि अउ आगू के अभियान मन के जानकारी राज्यपाल ल दिन। सुश्री अंकिता गुप्ता ह अभी कबीरधाम (कवर्धा) पुलिस लाइन म आरक्षक के पद म काम करत हे। ओमन बछर 2022 म लद्दाख के यूटी कांगड़ी पर्वत शिखर म सफलतापूर्वक पहुंच के छत्तीसगढ़ के पहिली महिला पर्वतारोही बने के गौरव पाइन। एकर अलावा ओमन यूरोपीय महाद्वीप के सबले ऊंचा शिखर माउंट एल्ब्रुस म तिरंगा फहरा के प्रदेश के नाम ल रौशन करिन।

मुलाकात के बेरा सुश्री अंकिता ह राज्यपाल ल बतॉइन कि उंकर आगू के योजना अफ्रीका महाद्वीप के सबले ऊंचा शिखर माउंट किलिमंजारो म चढ़ाई करे के हे। ओमन अपन अभी तक के पर्वतारोहण अभियान, अनुभव अउ आघू के तैयारी मन के बारे म घलो राज्यपाल ल जानकारी दिन।

राज्यपाल रमेन डेका ह अंकिता गुप्ता के साहस, मजबूत संकल्प अउ उपलब्धि मन के तारीफ करत कहिन कि युवा प्रतिभा मन के अइसन सफलता ह समाज बर प्रेरणा बनथे। ओमन अंकिता ल उंकर आघू के अभियान बर बधाई अउ सुभकामना दिन अउ सबो किसम के सहयोग देहे के बात कहिन।

डीपीआर से साभार-

अंजोर छत्तीसगढ़ी समाचार

संपादक/अनुवादक: जयंत साहू