अंजोर.रायपुर। छत्तीसगढ़ी सिनेमा (Chhollywood) के मयारू दर्शक अउ कलाकार मन बर एक बड़का अउ नीक खबर आगू आए हे। मनीष मिश्रा प्रोडक्शंस अउ U9 फिल्म्स एंटरटेनमेंट के बैनर तले बने नवा छत्तीसगढ़ी फिलिम 'मोर जहुरिया' के ट्रेलर लांचिंग, मीट-अप अउ प्रेस कॉन्फ्रेंस के भव्य आयोजन 17 मई 2026, संझा 4:00 बजे रायपुर के सिविल लाईन स्थित 'गढ़ कलेवा' म रखे गे हे।
जम्मो यूट्यूबर अउ इन्फ्लुएंसर्स ल 'झारा-झारा नेवता'
फिलिम के निर्माता अउ टीम ह छत्तीसगढ़ के जम्मो यूट्यूबर (Youtubers), ब्लॉगर (Bloggers), सोशल मीडिया इन्फ्लुएंसर (Influencers) अउ कलाकार (Actors) मन ल ये मीट-अप म शामिल होए बर 'झारा-झारा नेवता'(विशेष आमंत्रण) पठोए हावय। कार्यक्रम म फिलिम के ट्रेलर ल अधिकारिक रूप ले रिलीज करे जाही, जेकर बाद प्रेस कॉन्फ्रेंस अउ कलाकार मन संग बातचीत के गोठ-बात होही।
कार्यक्रम के विवरण:
- दिनांक: 17 मई 2026 (इतवार)
- समय: संझा 4:00 बजे ले
- स्थान: गढ़ कलेवा, सिविल लाईन, रायपुर (छ.ग.)
- 29 मई ले सिनेमाघर मन म मची धमाल
पोस्टर के मुताबिक, फिलिम 'मोर जहुरिया' अवइया 29 मई 2026 ले आप सबो झन के नजदीकी सिनेमाघर मन म रिलीज होए बर तइयार हे। फिलिम ल लेके दर्शक मन म अभी ले बड़ उत्साह देखे बर मिलत हे।
- फिल्म: 'मोर जहुरिया'
- निर्माता (Producers): प्रतिभा मिश्रा अउ अमित कुमार सिंह
- निर्देशक (Director): फिरोज खान
- कार्यकारी निर्माता (Executive Producer): मनीष मिश्रा
- कहानी (Story): अजय पटेल
- संवाद अउ पटकथा (Dialogue & Screenplay): फिरोज खान
- सहयोग: सहायक निर्माता दरश विश्वकर्मा, मुख्य सहायक निर्देशक रामचंद्र, अउ सहायक निर्देशक अमरेश दत्त मिश्रा
- कलाकार: दीपक आदित्य, जयंती मनहर अउ अन्य कलाकार
फिलिम के टीम ह थियेटर म जाके फिलिम देखे अउ छत्तीसगढ़ी सिनेमा अउ छत्तीसगढ़ी गर्व ल बढ़ावा देए के अपील करे हावे।
'मोर जहुरिया' के पूरा टीम ल 'अंजोर:छत्तीसगढ़ी समाचार' अउ संपादक जयंत साहू कोति ले फिलिम के सफलता खातिर गाड़ा गाड़ा बधाई अउ सुभकामना।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।